Roeddem wrth ein bodd bod gwaith Creu Menter wedi ei gydnabod yng Ngwobrau Busnesau Cymdeithasol Cymru yn Sir Ddinbych, ac yn ennill dwy wobr.
Yn ogystal â chael ei ddewis fel enillydd Menter Gymdeithasol Addysg, Hyfforddiant a Swyddi, dyfarnodd y beirniaid Creu Menter gyda theitl Menter Gymdeithasol y Flwyddyn yng Nghymru hefyd.
Dywedodd Sharon Jones, Cyfarwyddwr Busnes a Phartneriaeth:
Roeddem mor falch o ennill y categori Addysg, Hyfforddiant a Swyddi, ac yna’n rhyfeddol iawn i ennill Menter Gymdeithasol y Flwyddyn yng Nghymru. Mae’r gwobrau ar gyfer yr holl dîm, pob gwirfoddolwr a hyfforddai sydd wedi bod yn rhan o stori Creu Menter.
Fel yr enillwyr yng Nghymru, bydd Creu Menter nawr ar y rhestr fer ar gyfer Gwobrau Busnesau Cymdeithasol y DU.
Cynhadledd Busnes Cymdeithasol Cymru 2017. Ysgrifennydd Cabinet Ken Skates gyda Andrew Bowden, Sharon Jones, Adrian Johnson a Jim Illidge o Creu Menter.
Mae Sharon Jones, Cyfarwyddwr Busnes a Partneriaeth Creu Menter, wedi cyrraedd y rownd derfynol Gwobrau Arwain Cymru’r flwyddyn hon.
Y mae Gwobrau Arwain Cymru 2017 (hir sefydledig a’r unig wobrau ymroddedig i arweinyddiaeth yng Nghymru) mewn cydweithrediad â The Institute of Leadership and Management wedi cyhoeddi’r rhestr fer y flwyddyn hon.
Ymhlith yr enillwyr blaenorol ceir Laura Tenison MBE, Jo Jo Maman Bébé, Mario Kreft MBE, Prif Weithredwr Pendine Park Care Homes, Kelly Davies, Rheolwr-Gyfarwyddwr Vi-Ability, a Dr Sabine Maguire o Sparkle, South Gwent Children’s Foundation.
Hi yng nghategori Arweinyddiaeth mewn Menter Gymdeithasol am ei rôl fel, un o 3 sydd wedi cyrraedd y rownd derfynol yn y categori hwn.
Meddai Barbara Chidgey, Cadeirydd Gwobrau Arwain Cymru; “Y mae’r rhestr fer yn adlewyrchu’r safon uchel ac ystod eang o arweinwyr sy’n gweithio ymhob sector ar draws Cymru; fe gaiff ein paneli o farnwyr amser caled ddiwrnod y barnu 14 Gorffennaf. Ar ran Consortiwm Gwobrau Arwain Cymru hoffwn diolchi bawb a wnaeth yr ymdrech i enwebu a rhannu cymaint o enghreifftiau aruthrol o “Arweinwyr yng Nghymru”. Unwaith eto mae’n argoeli i fod yn flwyddyn cyffroes iawn am yr unig wobrau arweinyddiaeth yng Nghymru.
Cyhoeddir yr enillwyr mewn seremoni gwobrwyo amser cinio, a gynhelir yng ngwesty’r Hilton, Caerdydd ddydd Iau 21ain Medi.
Am fanylion pellach, ewch i www.leadingwalesawards.co.uk os gwelwch yn dda.
Mae peintwyr ac addurnwyr o’r fenter gymdeithasol leol Creu Menter wedi bod yn cynorthwyo lleoliad newydd Dylan’s yn Llandudno i agor ar amser.
Mae Dylan’s wedi cymryd Gwesty enwog y Washington ar lan môr Llandudno drosodd, gan drawsnewid yr adeilad rhestredig Gradd II i fwyty a bar coctels sy’n gyrchfan ynddo’i hun. Gyda’r dyddiad agor swyddogol yn prysur agosáu, gofynnodd Dylan’s i Creu Menter baentio’r tu mewn i’r adeilad tirnod arbennig.
Mae’r tri pheintiwr ac addurnwr yn lleol, ac yn cynnwys Jordan Davies, sydd ar hyn o bryd yn mynd drwy Academi Gyflogaeth Creu Menter ar gyfer tenantiaid Cartrefi Conwy. Cwblhaodd Craig Palmer ei hyfforddiant Academi yn ddiweddar ac mae wedi cael gwaith fel peintiwr llawn amser gan gyfarwyddwr Creu Menter ers yn gynharach y mis hwn.
“Mae’r cynllun Academi Gyflogaeth yn benodol ar gyfer tenantiaid Cartrefi Conwy sydd eisiau dod o hyd i waith”, eglurodd Sharon Jones, Cyfarwyddwr Busnes a Phartneriaeth. “Rydym yn darganfod pa fath o waith sydd ganddynt ddiddordeb ynddo, ac maent yn derbyn hyfforddiant a chymwysterau’n ogystal â chyflog byw.”
Yn ogystal â darparu gwasanaeth i Gartrefi Conwy, mae Creu Menter hefyd yn gweithio gyda chleientiaid sector cyhoeddus, fel Dylan’s. “Ein nod yw bod yn gontractwr cymdeithasol o ddewis” meddai Sharon. “Rydym yn darparu crefftwyr da ar gyfradd gystadleuol, felly mae cleientiaid yn cael gwasanaeth proffesiynol wrth gefnogi pobl lleol i weithio.”
Dywedodd David Evans, Cyfarwyddwr Dylan’s, “Rydym yn falch bod Creu Menter wedi gallu dod i’n helpu ar y funud olaf. Mae eu cymorth wedi bod yn werthfawr iawn ac felly gobeithio rŵan y gallwn agor ar ein dyddiad agor sef 25 Mai”.